Skátafélagið Kópar

Fálkaskátaútilega 21.-23. október 2011

Stelpurnar í Stjörnudísum skrifuðu ferðasögu um útileguna síðustu helgi. Hér má sjá sögur frá öllum flokkunum:

Kópar hófu Góðverkavikuna með stæl þegar þeir gengu til styrktar skátum í Suður- Afríku sunnudaginn 21. febrúar. Ekki liggur endanlega fyrir hvað mikill peningur safnaðist en  ljóst að það eru hátt í 200 þúsund krónur sem skátarnir náðu safna, sem samsvarar um það bil 250 fermetra flöt fyrir skátana í Suður- Afríku. Þeir sem eiga eftir að koma áheitum til skila geta greitt á reikning 1135-05-408804. kt. 700371-2719

Nokkrir skátar gengu frá Skátaskálanum Þristi (ca 40km). Við skátaskálann Hvell við Elliðaárvatn bættust svo fleiri í hópinn og þeir yngstu sameinuðust þeim við Salalaug. Hópurinn gekk svo þaðan að skátaheimilinu þar sem allir fengu kakó og kex. Alls tóku tæplega 70 krakkar þátt og foreldrar létu einnig sjá sig.  

Dagurinn var frábær í alla staði, veðurguðirnir léku við okkur og allt gekk að óskum. Við þökkum Hjálparsveit skáta í Kópavogi fyrir aðstoðina ásamt þeim foreldurum sem lögðu sitt af mörkum. 

Myndir eru komnar á heimasíðuna

Í síðustu viku hafa dreka- og fálkaskátar komið heim með Góðverkadagbók. Skátunum gefst kostur á því að vinna allavega eitt góðverk á dag í heila viku og fylla út í bókina sína.  Þegar því lýkur geta þau komið með hana á skrifstofu skátaheimilisins og fengið smá viðurkenningu fyrir. Ef ykkur hefur ekki borist Góðverkadagbókin er hægt að nálgast hana á hér. 
Einnig hvetjum við sem flesta til að kíkja á skemmtilega heimasíðu verkefnisins www.godverkin.is

Vonum að sem flestir taki þátt og að góðverkagleði skátanna smiti aðra fjölskyldumeðlimi!

Sunnudaginn 20.febrúar ætla Kópar að hefja með stæl Góðgerðavikuna sem Bandalag íslenskra skáta hefur staðið fyrir undanfarin ár. Við ætlum að skora okkur sjálf á hólm og safna áheitum.  Áskorunin felst í því að ganga þrjár mismunandi vegalengdir.

Hægt er að leggja áheitin inn á söfnunarreikning félagsins: bnr: 1135-05-408804 kt.700371-2719

Skráning hér

Helgina 5.-6. nóvember ætla Stjörnudísir og Hattífattar að fara í fyrstu sveitarútilegu vetrarins. Förinni er heitið í skátaskálann okkar Þrist þar sem þær ætla að skemmta sér vel.

Nánari upplýsingar í viðhengi.

Árið er 2010 og dagurinn er 14. maí, klukkan er 19:30. Hressir fálkaskátar keyra ásamt foreldrum/forráðamönnum inn á bílastæði við Garðatorg, fullir tilhlökkunar á að fara austur á Úlfljótsvatn og eyða helginni í faðmi töfra Undralandsins. Allir koma sér fyrir í rútunni og upp úr áttaleytið er lagt af stað. Mikið var um söng og gleði í rútunni og var því ekki að leyna að spennan var mikil í skátunum. Tæpum klukkutíma síðar var rennt í hlað á Úlfljótsvatni og rifu skátarnir strax út töskurnar og tjöldin og tjölduðu og komu sér fyrir. 

Á kvöldvökunni í gær var ný heimasíða félagsins formlega opnuð. Hefur útlit og uppsetning verið uppfærð sem og kerfið að baki síðunnar til að auðvelda uppfærslur á efni. Er ætlunin í framhaldinu að halda lífi á síðunni með tíðum fréttum og myndum. Ekki hafa verið gerðar miklar breytingar á uppsetningu síðunnar, en helst má nefna að nú er hægt að smella á atburði í "Á döfinni" til að sjá nánari skýringar, á undirsíðum sveita birtast nú allar fréttir sem tengjast sveitunum og við hefur bæst fróðleikshorn. Enn er eftir talsverð vinna við að setja inn efni á síðuna en meðan unnið er í því er hægt að skoða það sem komið er.

Frá og með 11. janúar munu fundartímar hjá Stjörnudísum og Hattíföttum breytast sem hér segir. Stjörnudísir frá 17:15-18:15. Hattífattar hafa vegna áskorunnar ákveðið að lengja fundartímann og seinka honum örlítið vegna stundatöflu sveitaforingjanna og verður hann því frá 18:00-19:30. Við vonum að þetta valdi ekki óþægindum.