Skátafélagið Kópar

Nú fer senn að líða að lokapunkti starfsársins hjá Drekaskátum. En því líkur með Drekaskátamóti 4.-5. júní á Úlfljótsvatni.
Mótið hefur vakið mikla lukku hjá yngstu skátunum undanfarin ár og alltaf jafn gaman.

Nánari upplýsingar í viðhengi

Í síðustu viku hafa dreka- og fálkaskátar komið heim með Góðverkadagbók. Skátunum gefst kostur á því að vinna allavega eitt góðverk á dag í heila viku og fylla út í bókina sína.  Þegar því lýkur geta þau komið með hana á skrifstofu skátaheimilisins og fengið smá viðurkenningu fyrir. Ef ykkur hefur ekki borist Góðverkadagbókin er hægt að nálgast hana á hér. 
Einnig hvetjum við sem flesta til að kíkja á skemmtilega heimasíðu verkefnisins www.godverkin.is

Vonum að sem flestir taki þátt og að góðverkagleði skátanna smiti aðra fjölskyldumeðlimi!

Sunnudaginn 20.febrúar ætla Kópar að hefja með stæl Góðgerðavikuna sem Bandalag íslenskra skáta hefur staðið fyrir undanfarin ár. Við ætlum að skora okkur sjálf á hólm og safna áheitum.  Áskorunin felst í því að ganga þrjár mismunandi vegalengdir.

Hægt er að leggja áheitin inn á söfnunarreikning félagsins: bnr: 1135-05-408804 kt.700371-2719

Skráning hér

Föstudaginn 28.janúar ætla Drekaskátar að skella sér á skauta í Skautahöllinni í Laugardalnum. Mæting er í Skautahöllinna kl. 17:00 og biðjum við foreldra um að sækja börn sín kl. 18:30.  Gjaldið er 1000 krónur fyrir þá sem leigja skauta en 600 krónur fyrir þá sem koma með skauta með sér. Gott er að hafa nesti með sér en sjoppa er á staðnum þar sem hægt er að kaupa drykki og annað góðgæti.
ATH!!  Nauðsynlegt er að allir séu vel klæddir (ullarsokkar, húfu, vettlingar, föðurland og ALLS EKKI GALLABUXUR). Gott væri að vita hverjir koma í ferðina svo við gerum okkur grein fyrir fjölda.  Skráning á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. . 

Sunnudaginn 14.nóvember var mikið um dýrðir hjá Drekaskátum. Þá voru 29 nýjir Drekaskátar sem vígðust inní Skátahreyfinguna.  Það er óhætt að segja að það voru stoltir skátar sem báru klútinn sinn í fyrsta skiptið þennan dag. 

Á kvöldvökunni í gær var ný heimasíða félagsins formlega opnuð. Hefur útlit og uppsetning verið uppfærð sem og kerfið að baki síðunnar til að auðvelda uppfærslur á efni. Er ætlunin í framhaldinu að halda lífi á síðunni með tíðum fréttum og myndum. Ekki hafa verið gerðar miklar breytingar á uppsetningu síðunnar, en helst má nefna að nú er hægt að smella á atburði í "Á döfinni" til að sjá nánari skýringar, á undirsíðum sveita birtast nú allar fréttir sem tengjast sveitunum og við hefur bæst fróðleikshorn. Enn er eftir talsverð vinna við að setja inn efni á síðuna en meðan unnið er í því er hægt að skoða það sem komið er.

Rauði kross Íslands hefur valið Magneu Tómasdóttur sem Skyndihjálparmann ársins 2009 fyrir að sýna hárrétt viðbrögð á neyðarstundu. Magnea tók við viðurkenningu Rauða krossins í Samhæfingarstöðinni í Skógarhlíð föstudaginn 11. febrúar á hátíðardagskrá Neyðarlínunnar og samstarfsaðila um 112-daginn.