Skátafélagið Kópar

Tekið af http://www.skatar.is/landsmot2012/default.asp?ItemGroupID=353

 Fjölskyldubúðir er rótgróinn þáttur á landsmóti. Þær eru sérstakar tjaldbúðir þar sem fjölskyldur skátanna og vandamenn geta sett niður tjaldið sitt, tjaldvagn eða fellihýsi og tekið þátt í landsmótsævintýrinu. Ekki þarf að tilkynna þátttöku í fjölskyldubúðum. Hægt er að dvelja í fjölskyldubúðum eins lengi og gestir óska þess.

Sérstök athygli skal vakin á því að ungmenni, skátar sem aðrir, yngri en 18 ára fá ekki að dvelja í fjölskyldubúðum nema í fylgd foreldra eða forráðamanna og þarf
fjölskyldan að koma saman á mótsstað.

Þátttakendur í fjölskyldubúðum annast sjálfir um matinn fyrir sig en mögulegt verður að kaupa hráefni í verslun mótsins s.s. brauð, álegg, mjólk, gos, morgunmat, pylsur, samlokur og fleira.

Hluti af almennri dagskrá mótsins verður opin fjölskyldum sem gista í fjölskyldubúðum. Einnig verður sérstök fjölskyldubúðadagskrá fyrir yngri börn í boði frá miðstöð fjölskyldubúða. Á kvöldin verður hægt taka þátt í dagskrá á torgum almennra þáttakenda en einnig verða haldnar sérstakar fjölskyldubúða kvöldvökur og leikir.